عارغه يعني ايه احنا أصحاب ؟؟

عارفة يعني إيه إحنا صحاب ؟
______________________

يعني لما اغلط و آجي اتأسف لك
تقولي لىّ : اسفك مرفوض ،
لاني بحبك لدرجة تخليكي ماينفعش تتأسفي

يـعني كلمـة اخوات مش حيكون ليها معني وسطينا

يعني لما الاحداث تخلي مخي يشل عن التفكير
اجيبك تفكري لىّ بصوت عالي


يعني تشكري فيا قدام حد من اهلى
و انا اعرف بعد كدا صدفة

يعني لما اتعصب عليكي
تلتمسي لي ميت عذر
و تعتذري لنفسك نيابة عني

يـعني يـكون بينا شفرات معينة
محدش يفهمها غيرنا

يعني لما تحصل حاجة و نبص لبعضينا
و نضحك لاننا مجرد افتكرنا
مـــــصـــــيـــبــة :D عملناها سوا

يـعني مجرد انك بتفهمي
من عيني انا عايزة ايه
و بتفهمي لو كنت محتارة مضايقة مبسوطة زعلانـة
المهم انك فهماني :)

يعني اكون مش ندمانة
حتي لو بعدنا عن بعض بعد كدة
لان حيـكون ليكي جوايا ذكري حلوة