الحكاية دى حكايتى
البداية لحظة ولادتى
أتخلق جوايا قلب
...
اتولد ويايا حب
حب غير حب أمى
حب غير حب أبويا
مش قريبى ولا هو منى
بس عندى هو أخويا
زى أمه عند أمى
زى أبوه عند أبويا
كنا فعلا زى عيلة
الحياة كانت جميلة
فى الدراسة
كنا دايماً جنب جنب
للشقاوة
ياما كلنا أحلى ضرب
ده مكنتش تكمل فرحتى الا بيه
ولا كانت تنزل دمعته غير عليه
وأن أى حد بص له أو شاف عنيه
كان بيعرف منهم أيه اللى بيه
أيوه فعلا
كنا واحد
قلب واحد
حلم واحد
رب واحد
بس دينا
مكنش واحد
0 التعليقات:
إرسال تعليق