طريقه عمل المشبك في البيت

كوب دقيق
1/2 كوب نشا
1 كوب زبادي
10 ج خميرة
1/4 كوب ماء
الشربات التقيل:(2 كوب سكر + 1 كوب ماء + عصير ليمونة عند الغليان)

الطريقة
1- نذوب الخميرة + الزبادي اولا ونقلبهم كويس
2- ننخل النشا والدقيق ونضيف الماء اليهم حسب القوام... ( تقريبا 1/2 كوب دقيق يحتاج 400 مل ماء)
3- الخلط يكون بالراحة عشان مش عايزين العجينة تاخد عرق
4- ممكن نضيف اليها اثناء التقليب 1ملعقة كبيرة شربات او سكر بتساعدها انها تحمر اثناء القليان لو احنا عايزين
5- نتركها تريح لمدة 1ساعة على الاقل حتى تخمر وبعد كده نقلبها تقليبة كويس ( المفروض تريح اكتر من ساعة)
6-هنعبي العجينة في قمع يكون فتحته ضيقة ولما نيجي نقليها هنحاول نجيب فورمة دائرية مفرغةعشان نحافظ على الشكل الدائري بتاعها و نصب جواها العجينة بشكل عشوائي وافضل اخلي ايدي رايحة وجاية عشان احصل على شكل المشبك المعروف, , واول ما تبدأ تجمد سنة هنشيل الفورمة ونصب فيها واحدة غيرها وهكذا...اما لو مفيش الفورمة دي مش مشكلة هنصب علطول في الطاسة
7-اول ما تحمر وتاخد اللون المطلوب , هنطلعها علطول وهنزلها في الشربات البارد