الانوثه !!

الانوثة مش مجرد حبر احمر ع الشفايف

الانوثة مش في انك تهوي عقل اللي شايف
الانوثة نعمة غالية ربنا اللي اداها ليكي
وباديكي تحفظيها او تضيع من بين ايديكي
***********************

كل شئ في الدنيا لما بيداروه بيزيد جمال
والعفاف للبنت يغلب اي شكل و اي مال
هو احسن من عيونهم تاخدي نظرة الاحترام
ولا تاخدي سهم جرح اسمه نظرات الحرام ؟
***********************

الزهور يتكون جميلة طول ما لسة الشوك حاميها
بس لو يوم شوكها سابها
ألف ايد تتمد ليها
هو احسن ترضي ربك
ولا ترضي الناس بحالها ؟
هو ايه للبنت يشفع شكلها ولا عملها ؟
دا الجمال في الجسم زايل
انتي شوفتيه دام لمين ؟
والجمال في الروح بيفضل
مهما بتعدي السنين

**********************
سيرة البنت العفيفة هي احسن شئ يدوم
حبرها مكتوب بدينها مش بمكياج او هدوم
انسي مكياجك وسيبي
نور إلهك يملا وشك
بدلي مرايتك بقلبك
مستحيل قلبك يغشك
**********************

انتي اجمل الف مرة
لو جمالك جوا قلبك
مش مهم الخلق ترضي
المهم ترضي ربك
هو ايه في الكون دا يغلب
لو إله الكون دا حبك ؟؟؟