طريقه عمل تورته الكريمه طريقه عمل تورته الشيكولاته بالصور

طريقة عمل انواع التورتات بالصور



طريقة عمل التورتات





لعمل اى سبونج كيك لعمل اى نوع من انواع التورتات



7 بيضات افصلى صفارهم عن بياضهم



بميزان المطبخ اوزنى البيض اولا



وبنفس ميزان البيض اوزنى سكر بودرة



وبنفس ميزان البيض اوزنى دقيق منخول بدون اضافة اى باكنج باودر او اى خمائر



فانيلا....



ده اساس اى تورته سبونجى او معمولة من كيك اسبونج الا فى حالة واحده انها تكون شوكولاته ....







الطريقه الاساسيه لعمل اسبونج كيك لاى تورته :



اخفقى اولا بمضرب كهربائى الصفار جيد جدا +فانيلا



اضيفىى له السكر البودر واستمرى فى الخفق لحد ما يتحول الى كريمة بيضه تماما .....



ضيفى الدقيق ببطىء شديد جدا ولا تستعملى المضرب بمعلقة خشب كبيرة او كاوتشوك قلبى الدقيق معلقة معقله باتجاه الساعه ببطىء شديد جدا

عشان ما نسمحش للهوا اللى دخل بالخروج تانى ...



العملية دى يا تكون سبب نجاح الكيكه او فشلها خلوا بالكم



فى النهاية اخفقى البياض لوحده لحد ما يتحول لمارينج (يبقى زى القطن الهش)



ضيفيه على الخليط السابق بهدوء شديد وتقليب بالمعلقه

لحد ما تصبح عندك عجينه هشه جدا ....



فى القالب او فى صنيه امسحى قاع الصنيه او القالب بطحينة امسحيها من كل اتجاه (دى احد اسرار مصرية )



ماتخافوش الطحينة بتمنع عملية التصاق الكيك تماما وكمان لا لها ريحة ولا بتاثر على الطعم جربوا الفكرة دى ....



ادخليها الفرن ويكون ساخن ...هدى الحرارة قليلا وضعى الكيكه



وبعد ربع ساعة هدى الفرن مرة اخرى .....

ولا تفتحى الفرن نهائى ....من زجاج الفرن الحرارى راقبى الكيكه بتاخد حوالى نص ساعة سوا ....



اطفى الفرن واتركيها عشر دقائق يعنى بلاش تخرج على طول من الفرن بتاخد برد وتهبط بسرعه ....



اخرجيها من الفرن واتركيها تبرد تماما....وياريت تكون قبلها بيوم عشان تنشف كويس وتبرد تماما ....



قشريها واقسميها على حسب رغبتك اما لنصفين او ثلاثة على حسب التورته بتاعتك ......



وابدئى عمل التورته ..



ده اساس لاى توته عادية باى نوع من التزين تبقى تورته فظيعه



لا تنسونى فى دعائكم بعد نجاحها



ناخد على سبيل المثال التورته السهلة دى







تزيين سهل جدا بالكريمه والكريز او اعمليها بالفراوله واحشيها بنفس الحشو كريمه وفراوله ...وممكن تعملى سيرب او صوص من الفراوله تسقى بيه الكيك ..



وبالف هنا



طيب فى ناس ماعندهاش شكل قالب القلب او حلقات تعمل بيها الكيكه على شكل ...



لازم تروح تشتريها يعنى؟؟؟



لا مش مهم ابدا ..فى طريقة سهلة جدا ممكن تعملى بيها اى شكل

ومش لازم الاشكال والقوالب لو ماعندكيش...



القلب ممكن تعملى اتنين كيكه ...واحده على شكل مستطيل والتانيه على شكل دايره



اقطعى الدايره نصين وكملى المستطيل من الجانبين تطلع لك تورته على شكل قلب بالظبط ...........









فى قوالب جميلة جدا بتدى اشكال روعة





نعمل بيها بوكيه ورد تورته شكلها بيقى خطير بعد التزيين











--------------------------------------------------------------------------------



هنا طريقة عمل كيك الشوكولاته عشان نعمل بيها اى تورته شوكولاته













6 بيضات



50 جرام سكر خشن



75 جرام سكر بودرة



150 جرام شوكولاتة خام



150 جرام زبده



150 جرام دقيق



)25 جرام كورن فلاور



فانيليا





للحشو



½ ليتر كريمة لبانى





100 جرام سكر بودرة



لتجميل وتزين الوجه



200 جرام شوكولاته خام



100 جرام زبده











مهم جدا عملية فصل الصفار عن البياض فى عمل التورتات



نخفق الصفار من 75 جرام بس من السكر البودرة



الخطو التانيه على حمام مائى دوبى 150 جرام من الشكولاته الخام وسيبيها لما تبرد تماما وبعدين ضيفيها للفصار ببطىء شديد ولا تنسى عدم استخدام المضرب كله بالمعلقه الخشب او الكاوتشوك



ناخد ال150 جرام ذبدة وغالبا بيتكون باكو كامل

نخفقه كويس بالمضرب لحد ما تصبح شبه الكريمه تماما



وبعدين نضيفه للخليط السابق

يعنى اصبح عندنا الصفار مع السكر والشوكولاته وبعدين الزبده المخفوقه



وفى النهاية نخفق البياض لوحده مع اضافة 50 جرام من السكر الخشن خفق جيد جدا بالمضرب الكهربائى



ونضيفه على الخليط بخفه وببطىء شديد جدا وبرضه التقليب بالملعقه الخشب او الكاوتشوك



وفى النهاية نخلط الكورن فلاور او النشا على الدجقيق ونضيفه ببطىء مععلقه معلقه للخليط السابق وبالتقليب البطىء ..



كده اصبحت العجينة جاهزة للفرن فى القالب او الصنيه بقى عندنا كيكه التورته جاهزة للفرن...

احشيهابالكريمهاللبانىالمخفوقهبالسكر(تديكىكريمشانتى رائع)

وزينيهابالشوكولابالزبده



بالمناسبه العجينة دى ممكن تعملى بيها جاتوه



وهى معروفه باسم



ساشير.....