طريقة مبتكرة لكحل ثابت وغامق ومش بيسيح وكمان اتعلمى تشترى كحل صح

طريقة مبتكرة لكحل ثابت وغامق ومش بيسيح وكمان اتعلمى تشترى كحل صح

cطريقة مبتكرة لكحل ثابت وغامق ومش بيسيح وكمان اتعلمى تشترى كحل صح ...





بسم الله الرحمن الرحيم



السلام عليكم ورحمة الله وبركاته,,,



عندى ليكم 3 أفكار



1_ افضل كحل لأحلى عيون

2_ازاى تختبرى الكحل قبل ماتشتريه

3_ازاى تخلى الكحل الى بيسيح مايسيحش









1_ افضل كحل لأحلى عيون



طريقة لأرخص وأثبت كحل فى حياتك



عارفين الكحل السايل البودرة بتاع جداتنا وامهاتنا الى كنا بنألس عليهم وبنأرف نستخدمه هو دة



تحطى منه على أد ما نتى حابة يكون الون تقيل ومركز



وبعدين تغسلى وشك وعيونك بمية باردة من غير ماتدعكى مجرد تغسلى وشك علدى جدا



وبعدين طبعا تنشفى وشك عادى بردو وطبعا تبعدى عن عنيكى عشان غلط تنشفيهيم بالفوطة بتأذى العين على المدى الطويل وبتعمل تجعدات للجفون



وبعد كدة تجيبى قطنة نضيفة ومن غير كريم تمسحى اى كحل ساح على عنيكى من المية



واستمتعى بكحل ثابت ولونه مط غامق لأطول فترة وكمان والله عن تجربة بيكون شكله احلى ومظبوط أكتر









2_ازاى تختبرى الكحل قبل ماتشتريه





نيجى بأة لطريقة شراء قلمة الكحل



طبعا فيه مليون نوع الى فى السوق

ومن احسن الانواع الى جربتها اوريفليم



بس بردو والله لقيت انواع تانيةرخيصة جدا كمان نوعها حلو



الفكرة بأة ان فيه اختبار بسيط اوى اتعلمته عشان اعرف لون الكحل دة واذا كان من الانواع اياها الى بتسيح ولا لأ



الاختبار اهو



تجيبى قلم الكحل الى هتشتريه وتعملى بيه خط بالطول على ضهر ايدك

وتيجى بصباعك بالعرض على الخط الى انتى عملتيه كأنك هتعملى تقاطع على الخط وكأنك هتمسحيه بس طبعا ماتحاربيش مع ايدك احنا مش عايزين الخط يختفى خالص يعنى



بعدين تشوفى بأة الخط الى انتى عملتيه حصله ايه



لو الكحل نوعه كويس طبعا الخط مش هيتمسح تماما

الحاجة التانية ودى الاهم

ان الكحل لو من الانواع الى بتسيح هتلاقى تقريبا كل لون الكحل طلع فى صباعك الى انتى جربتى تمسحى بيه والون هيكون راح خالص تقريبا









3_ازاى تخلى الكحل الى بيسيح مايسيحش









الفكرة التالتة بأة





للى عندهم قلم كحل وبيسيح ودفعوا فيه كتير ومستحرمين يرموه



تجيبى ولاعة وتكونى ماسكة قلم الكحل السن بتاعه لتحت كأنك هتكتبى بيه

وتولعى الولاعة على السن بتاع القلم لمدة ثانيتين بالظبط عشان مايسيحش على الأرض ويبهدلك الدنيا

وحاولى تعملى كدة فى الحمام احسن عشان لو لا قدر الله نقط منك او اى حاجة



وبعد كدة هتلاقى الكحل بقى سايح اوى

تفضلى ماسكاه دقيقة او دقيقتين على نفس الوضع والسن لتحت لحد ماينشف ويمسك تانى



وكل ماتبرى القلم تعملى كدة



الفكرة من الطريقة دى انها بتبخر اى مية فى الكحل فتخليه الى حد كبير أنشف ومش بيسيح