محشي الباذنجان والفلفل - محشي الفلفل - طريقة عمل محشي الباذنجان والفلفل

محشي الباذنجان والفلفل - محشي الفلفل - طريقة عمل محشي الباذنجان والفلفل

  

محشي الباذنجان والفلفل 

 

المحشى

الخضروات التى يمكن حشوها 

  

(الباذنجان الاسود - الباذنجان الابيض - الفلفل - الكوسة - البطاطس - الطماطم - البصل)

ويفضل فى حشو الكوسة والبطاطس اللحم المفروم بدون أرز

انا النهاردة استخدمت الباذنجان الاسود والفلفل الاخضر الرومى 

1 كيلو باذنجان و 3/4 كيلو فلفل رومى 

المقادير

بصلة كبيرة مفرومة

2 كوب عصير طماطم 

زيت ذرة 

بهارات (ملح - فلفل اسود - كمون - شطة حمراء - قرفة)

1/2 كوب كزبرة وشبت مغسولين ومفرومين ومعاهم قليل من النعناع الاخضر المفروم

الطريقه

اول حاجة نحط الزيت فى حلة على النار واول ما يسخن نحط عليه البصل المفروم لغاية ما يبقى لونه ذهبى 

نضيف عصير الطماطم وبعدين البهارات ونقلبها 

ونغطيها ونسيبها لغاية ما تتسبك

يعنى تظهر المادة الدهنية على وجه الصلصة 

كدة

وبعد ما تتسبك ناخذ من الصلصة حوالى 4 ملاعق كبيرة ونحطها فى حلة تانية ونسيبها لغاية ما نحتاجها 

وبعد كدة نضيف الكزبرة والشبت ونقلبهم 

ونجهز الأرز .. 2 كوب أرز ونحتفظ بالكوب اللى استخدمناه لأننا هانستخدمه فى معيار الماء .. 

ونغسله مع الاحتفاظ ببعض الماء فيه وبعدين نضعه على الصلصة 

ونقلبه ونغطيه ونسيبه على نار هادية حوالى 5 دقايق بس 

وبعد كدة نحطه فى طبق علشان يبرد شوية 

ونجهز الفلفل والباذنجان انا احب اجيبهم صغيرين .. ونجهز كمان المقوار وسكين صغير .. 

ونجهز طبق عميق فيه ماء علشان لما نقور الباذنجان نحطه فيه علشان لونه ما يتغيرش للاسود 

ونقور الباذنجان ونجهز الفلفل بأننا نشيل العنق والبذور اللى فيه ونغسلهم ونحطهم فى مصطفى علشان يصفوا الماء اللى فيهم 

نلاحظ ان انا احتفظت برؤوس الباذنجان لأنى بعد ما احشى الباذنجان باغلقه بالرأس بتاعته علشان الرز ما بخرجش براها 

واجهز الحلة اللى هاطبخه فيها وارص فى قاعها شرائح بطاطس او شرائح بصل علشان المحشى مش يلزق فيها 

وبعدين احشى الباذنجان وارصه والفلفل من فوقه 

كدة

وبعدين بجيب الصلصة اللى انا اخدتها من التسبيكة واجهز لها 

2 كوب ماء بنفس مقدار كوب الارز

ملعقة كبيرة سمن او زبدة

باكو مرقة دجاج فورية 

واضيفهم على بعض واسييهم على النار لغاية ما يغلوا (وما تنسى تظبطى الملح )

وبعد كدة اضيفهم على المحشى 

واغطيه واسيبه على نار عالية لمدة عشر دقائق وبعدين اهدى النار على الآخر لمدة 45 دقيقة لينضج

وبعدين اقدمه مع سلطة خضراء 

وهنا شكله من قريب .. بصراحة طعمه جنان 

  

محشي الباذنجان والفلفل